Maaniipputit > SaqqaaSuliffeqarfinni nukissat Kalaallit Nunaanni niuerfiusumi sulitikkit

Foto: Ozzo Photography

Foto: Ozzo Photography

Foto: Ozzo Photography

Suliffeqarfinni nukissat Kalaallit Nunaanni niuerfiusumi sulitikkit - Ataatsimiinnissat aaqqissuuniakkallu Z Meetings-imut suliassanngortikkit!  

Nammineq suliarisariaqanngitsortaasut Z Meetings-imut suliassanngortikkit, taamak iliornikkut illit suleqativillu suliassaviit pimoorussinnaasunngorlugit, ikerani aaqqinniagassarpassuit pinnagit oqaluuserisassat allatullu sammitikkusutat pingaarnerit nukersorfigalugit, qularnaveerumallugit iluatsilluartumik  ataatsimiititsinissat, isumasioqatigiissitsinissat ataatsimersuartitsinissalluunniit. 

 

Suliassavisi pimoorutiinnarsigit

Suliffeqarfiit ingerlatsiviillu amerlanerit ataatsimiinnissanik isumasioqatigiinnissanillu aaqqissuussisarput, taamaattunilu suleqatit, aqutsisoqatigiikkuutaat, sulisorisat imal. siulersuisut peqataagajuttarlutik ataatsimiinnermi qitiutinneqartarlutik.

Ataatsimiinnissanillu ataqatigiissaarinerit pisussanillu aaqqissuussinerit tamatigungajak suliffeqarfimmit immineq isumagineqartarput. Piareersagassaasarpummi ataatsimiinnissami pappialassat, oqaluuserisassat, ilanngussatut atorneqartussat allarpassuillu saniatigullu pisussani nalinginnaasumik aaqqitassarpassuit isumagineqartarlutik.

Illit suliffeqarfiit aamma taamatut suleriaaseqarpa, kissaatigaajullu suliffeqarfinni nukissat niuerfiusumi atorluarnerunissaat, sammisassaviit sammitillugit? 

Piginnaaneqarfisi suliassavinnut sammineruppat ataatsimiititsinissanut isumasioqatiigiissitsinissanullu sammisuunatik. Aammalu ataatsimiititsinisat pitsaasumik ingerlanneqarnissaat kissaatigiviuk, sulisutit suliassaviinit qimagutsillugit illikartinnagit?

Apeqqutit qulaanisut ittut ilisarigukkit, taava Z Meetings attaveqarfigiuk.

 

Sumiiffinni ataasiakkaani  nunalu tamakkerlugu ataatsimiititsinerit

Kalaallit Nunaanni suliffeqarfippassuit pisortallu ingerlatsisoqarfii nunani assigiinngitsuni suleqateqartarput, immikkoortortaqarfeqartarlutik soqutigisaqateqartarlutillu. Tamakkulu pisariaqartippaat ataatsimut aaqqissuussaasunik naapittarnissat sumiiffinni assigiinngitsuni imal. nuna tamakkerlugu ingerlanneqartuni. Taamaattut tassaasinnaapput sulisunik ataatsimiititsinerit,pikkorissaanerit pisortanik ataatsimiititsinerit, pilersaarusioqatitsitsiniarluni ataatsimiititsinerit, politikkikkut ataatsimiititsinerit allarpassuillu.

 

Aaqqissuussisup qitiutitassai

Atatsimiinnerit, isumasioqatigiinnerit pikkorissaanerilluunniit imarisassaat siunnerfissaallu aaqqissuisup qitiutitassarivai. Kisianni imarisaasussat suliarisanut attuumassuteqarnissaasa isumannaarnissaasa saniatigut ikerani aaqqitassarpassuaqartarportaaq. 

 

Aaqqissuussassat marloqiusat ataatsimut aaqqitsikkit

Aaqqitassat taasatut ittut toqqissillutit Z meetings-imut tunniussinnaavatit, aamma angalanissanut akunnittarfimmiinnissanullu inniminiissussinissat.

Naatsorsuutigilluinnarsinnaavammi  suliassat pikkorilluni pitsaasumik isumagineqarnissaat taamallu illit suliassavitit pikkoriffigisatit aallutiinnarsinnaassallugit: Ingerlatsinisami imarisassat, oqaluuserisassat ataatsimiititsinermilu anguniakkat aaliangiunnissaat.

Taamaattumik aaqqissuussassat qulaani taaneqartut marloqiusaasut ataatsimut suliassanngortikkit, tassalu Z Meetings-imut.