Kinaavunga?
Z Meetings pilersinneqarpoq ukioq 2005 Karin Egede-imit pigineqarluni.
Nunatta Kujataani Narsami inunngorlungalu peroriartornikuuvunga affarmik kalaaliullunga affarmillu qallunaajullunga oqaatsillu taakku allaaviini tamani najugaqarnikuullunga.
Roskilde Universitetscenter-imiit Cand. scient. Soc-itut naammassinikuuvunga immikkut qitiusutut sammisarinikuullugu Arktisk Turisme (Issittumi takornariaqarneq). Ukiut kingulliit 20-it Nuummi najugaqarpunga. Z Meetings pilersitsinnagu tamatuma nalaani Grønlands Turistråd-imi maanna Visit Greenland-iusumi assigiinngitsunik taaguuteqarlunga ilaatigut pilersaarusiornermi pisortatut, ilaatigut siunnersortitut kiisalu ilaatigut allaffissornermi pisortatut sulivunga.
Kalaallit Nunaat tamakkerlugu angalaffiginikuuara avannaani Qaanaamiit kujataani Nanortalik tikillugu, illoqarfiit nunaqarfiillu tamaasa tikinnikuullugit kiisalu aamma Tunumi Itoqqortoormiit Tasiilarlu ilanngullugit. Taamallu ilisumik nunatsinni illoqarfiit nunaqarfillu annertuumik ilisimasaqarfigivakka.
Saniatigullu aamma Savalimmiuni minnerunngitsumillu Island-imi suliaqartarnikuuvunga.
Tatigineqarlunga toqqakkatut makku issiaqataaffiginikuuakka: :
Grønlands Erhvervs Brancheudvalg for Hotel, Restaurant og Turisme, 2016-
Visit Greenland, Grønlands Turistråd: Siulittaasutut, 2012-2014
Nunanilu Avannarlerni Killerni peqataaffiginikuuakka:
NORA (Nordisk Ministerråd-ip ataani aningaasaateqarfik, Nordatlantisk fond)
Vestnorden Tourist Board (maanna tassaasoq: North Atlantic Tourism Association)
SAMIK-udvalg-i (Siornatigut tassaanikuusoq Kalaallit Nunaata Island-illu takornariaqarnermut atatillugu suleqatigiinnermut ataatsimiititaliaat).